काठमाडौं, जेठ ८ गते । देशका सातै प्रदेशका विभिन्न स्थानीय तहको प्रमुख, उपप्रमुख तथा गाउँपालिका अध्यक्ष र उपाध्यक्षमा स्वतन्त्र उम्मेदवारहरु निर्वाचित हुनुभएको छ । यो समाचार तयार पार्दासम्म निर्वाचन आयोगले सार्वजनिक गरेको मतपरिणाम अनुसार प्रदेशगतरुपमा विजयी स्वतन्त्र उम्मेदवारको अवस्था निम्न अनुरुपको छ । हालसम्म घोषणा भएको आधिकारिक विवरण अनुसार १३ पालिकामा स्वतन्त्र उम्मेदवारले विजयी भएका छन् । प्रदेश १ मा दुई पालिका अध्यक्षमा स्वतन्त्र विजयी प्रदेश १ अन्तर्गत भोजपुरको साल्पासिलिछो गाउँपालिका अध्यक्षमा स्वतन्त्र उम्मेदवार दाँथल कुमार कुलुङ राई विजयी हुनुुभयो । उहाँले एक हजार ८१४ मत प्राप्त गर्नुभयो । राईको निकटतम प्रतिद्वन्द्वी नेपाली काँग्रेसको महेश राईले एक हजार ७८६ मत ल्याउनुभयो । यसैगरी, ओखलढुङ्गाको मानेभञ्ज्याङ गाउँपालिका अध्यक्षमा स्वतन्त्र उम्मेदवार ज्ञानेन्द्र रुम्दाली फराकिलो मतान्तरले विजयी हुनुभएको छ । रुम्दालीले पाँच हजार २१ मत ल्याउनुभयो भने उहाँको निकटतम प्रतिद्वन्दी नेकपा एमाले का रुपलाल तामाङले तीन हजार ८१६ मत ल्याउनुभयो । मधेश प्रदेशमा एक नगरप्रमुख र उपप्रमुख दुवैमा स्वतन्त्र विजयी महोत्तरीको बर्दिबास नगरपालिका प्रमुखमा स्वतन्त्र उम्मेद्वार प्रहलाद कुमार क्षेत्री विजयी हुनुभयो । उहाँले १४ हजार २१० मत ल्याउनुभयो । क्षेत्रीका निकटतम प्रतिद्वन्द्वी नेकपा माओवादी केन्द्रका राजु खड्काले आठ हजार ३२३ मत ल्याउनुभयो । बर्दिबास नगरउपप्रमुखमा पनि स्वतन्त्र उम्मेद्वार तारादेवी विजयी हुनुभयो । उहाँले नौ हजार ७३६ मत ल्याउनुभयो । देवीले निकटतम प्रतिद्वन्द्वी माओवादी केन्द्रका कृष्ण माया गौतमले आठ हजार १८५ मत ल्याउनुभयो । गण्डकी प्रदेशमा एक गाउँपालिका उपाध्यक्षमा स्वतन्त्र विजयी मनाङ्गको मनाङ ङिस्याङ गाँउपालिका उपाध्यक्षमा स्वतन्त्र उम्मेदवार छिरिङ गुरुङ ७४४ मतसहित विजयी हुनुभयो । गुरुङको निकटतम प्रतिद्वन्द्वी काँग्रेसका रिन्जेन धोर्जे गुरुङले ७१९ मत ल्याउनुभयो । कर्णाली प्रदेशमा दुई नगरप्रमुख, तीन गाउँपालिका अध्यक्ष र एक उपाध्यक्षमा स्वतन्त्र उम्मेदवार जुम्लाको चन्दननाथ नगरपालिका प्रमुुखमा स्वतन्त्र उम्मेद्वार राजुसिंह कठायत दुई हजार ४०३ मतसहित विजयी हुनुभयो । यसैगरी, कालिकोटको खाँडचक्र नगरप्रमुखमा स्वतन्त्र उम्मेदवार कमलबहादुर शाही दुई हजार ९१९ मतसहित विजयी हुनुभयो । उहाँको निकटतम प्रतिद्वन्दी काँग्रेसका पदमबहादुर शाहीले दुई हजार ३४१ मत प्राप्त गर्नुभयो । यसैगरी, डोल्पाको डोल्पो बुद्ध गाउँपालिका अध्यक्षमा कार्मा छोइवेल गुरुङ, कालिकोटको सान्नी त्रिवेणी गाउँपालिका अध्यक्षमा माेहनबहादुर केसी र हुम्लाको चंखेली गाउँपालिका अध्यक्षमा प्यारी लाल शाही विजयी हुनुभयो । उहाँहरु तीनै जना स्वतन्त्र उम्मेदवार हुनुहुन्छ । यसैगरी, डोल्पाको शे फोक्सुन्डो गाउँपालिका उपाध्यक्षमा स्वतन्त्र उम्मेदवार पेम्मा वाङछेन गुरुङ विजयी हुनुभएको छ । सुदूरपश्चिम प्रदेशमा एक गाउँपालिका अध्यक्ष र एक नगरउपप्रमुखमा स्वतन्त्र बाजुराको बुढीनन्दा नगरउपप्रमुखमा स्वतन्त्र उम्मेद्वार रामबहादुर बोहरा विजयी हुनुभयो । बोहोराले चार हजार ७७ र उहाँको निकटतम प्रतिद्वन्द्वी काँग्रेसका रिता देवी सिंहले तीन हजार ६७७ मत प्राप्त गर्नुभयो । यसैगरी, बैतडीको डिलासैनी गाउँपालिका अध्यक्षमा सन्तोष प्रकाश जोशी तीन हजार १८९ मतसहित विजयी हुनुहुन्छ ।
काठमाडौं गृह मन्त्रालयले विभिन्न सञ्चार माध्यम र सामाजिक सञ्जालमा महिला हिंसा सम्बन्धी प्रकाशित सामग्रीको सम्बन्धमा गम्भीर ध्यानाकर्षण भएको जनाएको छ। गृह मन्त्रालयका प्रवक्ता फणिन्द्रमणि पोखरेलले शनिबार विज्ञप्ति जारी गर्दै यस विषयमा अनुसन्धानका लागि सहयोग गर्न सबैलाई अनुरोध गरेको छ। शुक्रबार नै आवश्यक कारबाही गर्न प्रहरी प्रधान कार्यालयले पाँच सदस्यीय छानबिन समिति बताएको छ। प्रहरी वरिष्ठ उपरीक्षक वसन्त कुँवरको संयोजकत्वमा प्रहरी उपरीक्षक कृष्ण कोइराला, प्रहरी नायब उपरीक्षक कोपिला चुडाल, प्रहरी नायब उपरीक्षक हरि बस्नेत र प्रहरी प्रहरी निरीक्षक सपना खड्का हुनुहुन्छ। प्रवक्ता पोखरेलका अनुसार शुक्रबार गठन गरिएको छानबिन समितिले काम सुरु गरिसकेको छ।
पोखरा महानगरपालिकाको ताजा मत परिणामअनुसार नेकपा एसका धनराज आचार्यले मेयर दाबेदारीमा अग्रता कायमै राखेका छन् । हालसम्म आचार्यको ३४ हजार ३३६ मत रहेको छ भने नेकपा एमालेका कृष्ण थापाले ३० हजार ९४९ मतकासाथ पच्छ्याइरहेका छन् । आशा गरिएको वडाहरुमा उल्लेख्य मत पाउन नसकेपछि थापाको पच्छ्याउने क्रम चलिरहेको छ । त्यस्तै, मेयरका अर्का उम्मेदवार राप्रपाका शंकर खरालको ३ हजार ८३५ मत रहेको छ भने स्वतन्त्र उम्मेदवार गनेस पौडेलले २ हजार ३३५ मत पाएका छन् । त्यस्तै, मेयरका अर्का उम्मेदवार राप्रपाका शंकर खरालको ३ हजार ८३५ मत रहेको छ भने स्वतन्त्र उम्मेदवार गनेस पौडेलले २ हजार ३३५ मत पाएका छन् । यता, उपमेयरमा भने एमालेकी मञ्जु गुरुङले पुनः अग्रता लिएकी छिन् । गुरुङको खातामा ३५ हजार ३१२ मत हुँदा नेपाली कांग्रेसकी कोपिला रानाभाटका ३४ हजार ८४७ मत रहेको छ । त्यस्तै, राप्रपाकी रन्जना शेनले ३ हजार ७३६ मत पाएकी छिन् । हालसम्म ८५ हजार १५७ मत गणना भइसकेको छ । मतगणना जारी छ ।
तम्घास, गुल्मीमा छात्रालाई यौन दुर्व्यवहार गरेको आरोपमा दुई जना शिक्षकलाई प्रहरीले पक्राउ गरेको छ । जिल्लाको सत्यवती गाउँपालिकामा रहेको सत्यवती माध्यमिक विद्यालय हसराको कक्षा नौ मा अध्ययन गर्ने छात्रालाई शिक्षक प्रकाश भट्टराई र नीलकण्ठ बस्यालले यौन दुर्व्यवहार गरेको भन्ने उजुरीको आधारमा शुक्रबार प्रहरीले पक्राउ गरी अनुसन्धान सुरु गरेको जनाएको छ । नाबालिका छात्रालाई शिक्षक बस्यालले २०७८ भदौदेखि र भट्टराईले माघदेखि यौनजन्य क्रियाकलापमा फकाउने र यौन दुर्व्यवहार गर्ने गरेको उजुरीमा उल्लेख छ । प्रहरीले प्रारम्भिक अनुसन्धानबाट आरोपहरु पुष्टि हुन थालेको भन्दै मुद्दा दर्ता गर्ने तयारी गरेको छ ।
पोखराः पोखरा महानगरपालिकाको पछिल्लो नतीजा अनुसार नेकपा समाजवादीबाट गठबन्धनका उम्मेदवार धनराज आचार्यले २८ हजार ५६३ मत प्राप्त गरेका छन् । आचार्य प्रतिद्वन्द्वी नेकपा एमालेका कृष्ण थापाभन्दा ३ हजार २०६ मतले अगाडी छन् । थापाले हालसम्म २५ हजार ३५७ मत पाएका छन् । कूल १ लाख ४३ हजार २२६ मतमध्ये अब गणना हुन बाँकी ७३ हजार २५० मत रहेको छ । त्यस्तै, उपमयेरमा एमालेकी मञ्जु गुरुङको २९ हजार २० मत रहेको छ । प्रतिद्वन्द्वी नेपाली कांग्रेसकी कोपिला रानाभाटको २८ हजार ९०० मत रहेको छ । यस अनुसार गुरुङले पुनः झिनो अग्रता लिएकी छिन् ।
दमक झापाको गौरादह नगरपालिकाको वडा नं. ७ मा नेकपा एमालेका वडाध्यक्ष पदका उम्मेदवार बलराम खरेलले एक मत अन्तरले विजयी भएको निर्वाचन अधिकृतको कार्यालयले घोषणा गरेपछि विवाद सिर्जना भएको छ । गठबन्धनको तर्फबाट वडाध्यक्षका उम्मेदवार रहनुभएका दिलनाथ कटवालले पुनः मतगणना माग गरेपछि विवाद सिर्जना भएको हो । एक मतको अन्तरमा पराजित भएपछि उहाँले पुनः मतगणना हुनुपर्ने माग गर्नुभएको हो । विवादित वडा न ७ को नतिजाको पुनः मतगणना नभएसम्म बाँकी ८ र ९ न वडाको मतगणनामा गठबन्धन दलका प्रतिनिधि नबस्ने भनेर बाहिरिएपछि मतगणना प्रभावित बनेको हो । दुईवटा वडाको मात्र मतगणना बाँकी रहेको छ । यहाँ नेकपा एमाले र गठबन्धनका उम्मेदवारबीच प्रतिस्पर्धा चलिरहेको छ । गौरादह नेकपा एमालेका अध्यक्ष एवं पूर्व प्रधानमन्त्री केपी शर्मा ओलीको निर्वाचन क्षेत्र पर्दछ ।
काठमाण्डौ महानगरपालिकाको मेयरमा स्वतन्त्र उम्मेदवारी दिएका बालेन्द्र शाह (बालेन)को अग्रता निरन्तर छ । हालसम्म बालेनले २८ हजार २९२ मत प्राप्त गरेका छन् । यसको विपरित हेभिवेट मानिएका नेकपा एमालेका उम्मेदवार केशव स्थापित उनीभन्दा आधा मतले पछाडी छन् । स्थापितले अहिलेसम्म १४ हजार ९८० मत पाएका छन् । त्यस्तै, नेपाली कांग्रेसकी सिर्जना सिंह १४ हजार ६५७ मतकासाथ दोस्रो स्थानमा उक्लन संघर्षरत छिन् ।
पोखराः अघिल्लो अपडेटसम्म ९ मतले पछि परेकी पोखरा महानगरकी उपमेयर उम्मेदवार कोपिला रानाभाटले अग्रता लिएकी छिन् ।। कूल ५५ हजार २६७ मत गणनापश्चात् नेपाली कांग्रेसकी रानाभाटले २३ हजार १६४ मत पाएकी छिन् । उनका प्रतिष्पर्धी नेकपा एमालेकी मञ्जु गुरुङको २३ हजार २१ मत रहेको छ । हालसम्म रानाभाटले १ सय ४३ मतको अग्रता लिएकी छिन् ।
पोखराः स्थानीयतह निर्वाचनअन्तरगतका पछिल्लो मत परिणाम अनुसार पोखरा महानगरको उपमेयरमा मञ्जु गुरुङले ९ मतको अग्रता लिएकी छिन् । गुरुङले हालसम्म २२ हजार १३१ मत पाएकी छिन् भने कांग्रेसकी उम्मेदवार कोपिला रानाभाटको २२ हजार १२२ रहेको छ । हालसम्म ५२ हजार ८१७ मत गणना भएको छ । मतगणना जारी छ ।