कास्की:  जिल्ला प्रशासन कार्यालय कास्की अगाडी स्वतन्त्र नर्सहरुले धर्ना दिएका छन् । मंगलबार सरकारसँग विभिन्न माग राख्दै शान्तिपूर्ण धर्ना दिएका हुन् ।   शान्तिपूर्ण प्रर्दशनका क्रममा उनीहरुले विभिन्न मागसहित सरकारलाई प्लेकार्डमार्फत प्रश्न तेर्साएका थिए ।    उनीहरुले बोकेको प्लेकार्डमा लेखिएको थियो– ‘नर्स हुनुमा गर्व गर्नुकी पश्चाताप?, नर्सहरुलाई न्याय देउ सरकार, विदेश रहर कि बाध्यता?, सेभ नर्स सेभ लाइफ, हामी नर्सका लागि नर्स हाम्रा लागि, सरकार किन मौन छ?, उचित पारिश्रमिक र सुरक्षाको प्रत्याभुति गर, काम धेरै तलब थोरै न्याय खै?   हेरौं तस्बिरहरु:-                                 

पोखरा  : पोखरा १ बगरस्थित पृथ्वीनारायण क्याम्पस गेट अगाडी आज साँझ दुई विद्यार्थी संगठनबीच झडप हुँदा एकजना विद्यार्थी नेता घाइते भएका छन् ।    नेकपा माओवादी केन्द्र निकट अखिल क्रान्तिकारी र नेकपा एमाले निकट अनेरास्ववियुबीच क्याम्पस गेट अगाडी झडप हुँदा क्रान्तिकारी विद्यार्थीका किरण खड्का घाइते भएका हुन ।    राष्ट्रपति विद्यादेवी भण्डारीले नागरिकता विद्येयकलाई दोस्रो पटक पनि प्रमाणिकरण नगरेपछि त्यसको विरोध जनाउदै अखिल क्रान्तिकारीले प्रदर्शन गरेको थियो । सोही समयमा समयमा अनेरास्ववियु पक्षले कार्यक्रम विथोल्न खोजेपछि झडप भएको अखिल क्रान्तिकारीको आरोप छ ।    अखिल क्रान्तिकारीले आज राष्ट्रपति विद्यादेवी भण्डारीको पुत्ला जलाएको थियो । त्यस्को प्रतिकार गर्न भण्डारीको कदम स्वागत योग्य रहेको भन्दै दीप प्रज्वलन गर्न क्याम्पस गेट अगाडि पुगेका थिए । नागरिकता विधेयकको विषयमा दुई विद्यार्थी संगठनबीच मुडभेड भएको कास्की प्रहरीले जनाएको छ ।   सुनगाभा न्यूजको लेन्सबाट हेरौं तस्बिरहरुः                 

काठमाडौं   :  १० वर्षपछि दशरथ रंगशालामा  सांगीतिक कार्यक्रम आयोजना हुने भएको छ । दशैं छेको पारेर असोज १५ गते दी एज ब्याण्ड, नितेशजंग कुँवर दर्जन कलाकारले कन्सर्ट गर्ने भएका हुन् ।   काठमाडौंमा पत्रकार सम्मेलन गरेर १० वर्षपछि दशरथ रंगशालमा सांगीतिक कार्यक्रम हुुने जानकारी दिएको हो । कन्सर्टमा वर्तिका एम राई, लाउरे, स्वप्न सुमन, भेक, यावेश, त्रिशला गुरुङ, सुबानी मोक्तान र दी इलेमेन्ट्स ब्यान्डले प्रस्तुति दिने भएका छन् ।   कन्सर्टले सहरी युवावर्गमा बडादशैंको प्रवद्र्धन गर्दै एकताको सन्देश दिने लक्ष्य राखिएको आयोजकले जनाएको छ । साथै, कोरोना महामारीले थलिएको इभेन्ट म्यानेजमेन्ट व्यवसायलाई हौसला बढाउने साथै नेपाली कला तथा संस्कृतिलाई युवापुस्तासँग जोड्न सघाउ पुर्‍याउने लक्ष्य राखिएको छ ।   दशैं महोत्सवको टिकटक कन्टेस्टमा भाग लिएर १० जनाले पोखरा रिसोर्ट प्याकेजजस्ता पुरस्कार पाउनेछन् । विगत २० वर्षदेखि कन्सर्ट, सडक महोत्सव गर्दै आइरहेको पार्टी नेपाल, आर्बीट्ररी समूह, केटीएम लाइभ तथा अप–ट्रेण्डली मिडियाले संयुक्त रूपमा यो सांगीतिक महोत्सवको आयोजना गर्न लागेका हुन् ।

पोखरा:   परापूर्व कालदेखि गुरुङ समुदायहरुले मनाउँदै आएको ट्होटें पर्व पोखराका मंगलबार भव्यताका साथ मनाएका छन् ।    ट्होटें पर्वमा गुरुङ जातिले विभिन्न हातहतियार, बाजाहरु, झ्याली, चोपडी , सुलाची , चिम्टा लगाएतका सामाग्रीहरू प्रदर्शनसहित पर्व मनाएका हुन्  । यो पर्व वर्षको २ पटक मनाइने गरिन्छ ।    चैत्र महिनाको अन्तिम मंगलबार र साउन महिनाको अन्तिम मंगलबार  गरि दुईपटक उधौली र उभौलीको रूपमा यो पर्वलाई  मनाउने प्रचलन रहेको छ ।   परापूर्व कालमा गाउँघरमामा खेतीपाती राम्रो होस, शत्रु नाश होस भन्ने कामनासहित गाउँमा ट्होटे मनाउने गरिएतापनि हाल आफ्नो मौलिक भेषभुषा, भाषा संस्कृतिको संरक्षणका लागी ट्होटे पर्व मनाउदै आएको पाइन्छ । तर अहिले शहरी क्षेत्रमा मनाइने पर्वमा भने सामाजिक कुसंस्कार, भ्रष्टाचार, बेथितीलाई नाश गर्ने उद्देश्यसहित ट्होटें पर्व मनाइएको बताइन्छ ।    हेरौं पोखरामा गुरुङ समुदायले मनाएको टहो्टें पर्वको रौनकः–                                                      

पोखराः पोखरा महानगरपालिकाभित्रका अधिकांश मतदान केन्द्रमा बिहान सवा ७ बजेदेखि मतदान सुरु भएको छ ।    सुरुवाति चरणमा यतिबेला प्रायः जेष्ठ नागरिकहरु मतदानमा सरिक भएका छन् । चुस्त सुरक्षा व्यवस्था रहेको मतदान केन्द्रमा मतदाताहरुको उल्लेख्य उपस्थिति रहेको छ ।    यसैबीच, पोखरा महानगरका मेयर प्रत्यासी नेकपा एमालेका कृष्ण थापाले विन्दबासिनी मतदानस्थलको केन्द्र 'क' मा साईत हेरेर सवा सात बजे मतदान गरेका छन् ।    थापाका प्रतिष्पर्धी गठबन्धनका उम्मेदवार धनराज आचार्यले वडा नं ३३ को शान्तिउदय मावि मतदान केन्द्रवाट मतदान गरेका छन् ।   पोखरा नगरभित्रका सडक सुनसान छ भने वर्षा हुने अनुमानबीच यतिबेला मौसम सफा रहेको छ ।