खैरो हिरोइनसहित १ भारतीय नागरिकसहित ३ जना पक्राउ
काठमाडाैं | चैत ११, २०८२
काठमाडौं: प्रहरी वृत्त लैनचौरले ३ जनालाई लागुऔधष खैरो हिरोइनसहित पक्राउ गरेको छ ।
पक्राउ पर्नेमा धनुषाको धनुषाधाम नगरपालिका ९ घर भई जिल्ला काठमाडौं महानगरपालिका १६ बालाजु गंगाजमुना मार्ग बस्ने १९ वर्षीय आदित्य मण्डल, सिन्धुलीको दुधौली नगरपालिका ५ का ४१ वर्षीय उत्तर बहादुर कार्की भन्ने शम्भु कार्की र भारतको सितामडीका २७ वर्षीय जितु कुमार राय रहेका छन् ।
यसअघि शम्भु कार्कीविरुद्ध २०७० साल पुष ३० गते डाँका र २०७७ भदौ ४ गते हातहतियार तथा खरखजाना सम्बन्धी कसूरमा मुद्दा दर्ता भएको देखिएको छ ।
हाल पक्राउ परेका उनीहरुको साथबाट लागुऔषध खैरो हेरोइन १८ ग्राम, मोबाइल थान ३, नेपाली नगद ५६ हजार ८ सय ९५ रुपैयाँ र भारतीय नगद २ हजार ८ सय बरामत गरिएको छ ।
पक्राउ परेका उनीहरुविरुद्ध काठमाडौं जिल्ला अदालतबाट दिन ६ दिनको म्याद थप गरी आवश्यक अनुसन्धान अघि बढाइएको प्रहरी वृत्त लैनचौरले जनाएको छ ।
चितवन- यस बर्षको जाउँ है पोखरा अभियान शनिबार चितवनको पर्यटकीय केन्द्र सौराहबाट सुरु भएको छ । कालीका नगरपालिकाका प्रमुख विनोद रेग्मीले अभियान अन्तर्गत सौराहमा आयोजित छलफल कार्यक्रमको उद्घाटन गरे ।...
पोखरा —चङ्गा प्रोडक्सनको आयोजनामा पोखरा रङ्गशालाको कभर्ड हलमा सम्पन्न ‘चङ्गा अल–स्टार फुटसल २०२६’ प्रतियोगितामा टिम प्याराडाइम च्याम्पियन बनेको छ । फाइनल खेलमा टिम क्रियटरलाई...
पोखरा —प्रोडक्सनको क्षेत्रमा लोकप्रिय तथा चर्चित चङ्गा प्रोडक्सनले पोखरा रङ्गशालाको कभर्ड हलमा आगामी शुक्रबार आयोजना गर्ने “चङ्गा अल–स्टार फुटसल २०२६“ प्रतियोगिताको सम्पूर्ण तयारी पूरा भएको छ...
