पोखरा:  दिव्यज्योति क्लबले पोखरा महानगरपालिका १५ भित्रका क्ललाई लक्षित गर्दै आयोजना गरेको पहिलो संस्करणको फुटसल प्रतियोगितामा एमएम एफसी टिम ‘ए’ च्यामिपयन बनेको छ ।   न्यू एयरपोर्ट फुटसल खेल मैदानमा शुक्रबार भएको फाइनल खेलमा एमएम एफसी टिम ‘ए’ ले टिम  एमएम एफसी टिम ‘बि’ लाई पेनाल्टी सुटआउटमा पराजित गर्दे च्याम्पियन बनेको हो ।   च्याम्पियन बनेको टिम ‘ए’ ले नगद रु ३० हजार, शिल्ड, मेडल तथा प्रमाणपत्र प्राप्त गर्याे ।   यस्तै उपविजेता बनेको एमएम एफसी टिम ‘बि’ ले नगद रु २० हजार, शिल्ड,मेडल तथा प्रमाणपत्र हात पार्याे ।   सो प्रतियोगितामा पोखरा महानगरपालिका १५ भित्रको कुल २१ टिमको सहभागिता रहेको थियो ।   प्रतियोगिताको विजेता तथा उपविजेताहरुलाई मुख्य प्रायोजक फ्रयाङ्कलिन एजुकेशन कन्सल्टेन्सीका सञ्चालक गंगा बहादुर खड्का, तथा पोखरा महानगरपालिका १५ का जनप्रतिनिधिहरु लगायतले पुरस्कार वितरण गरेका थिए । 

हेमजा:  पोखरा महानगरपालिका २५ हेमजामा शनिबारदेखि सुरु भएको अन्तर वडा स्तरीय हेमजा भेट्रान्स कप २०८१ मा पोखरा महानगर १ बगरको टोलीले विजयी सुरुवात गरेको छ ।   ‘युवा एकता र विकासका लागि खेलकुद’ भन्ने मुल नाराका साथ हेमजा युनाइटेडको आयोजनामा भएको उद्धघाटन खेलमा आयोजक वडा २५ हेमजालाई २–० गोलको अन्तरले हराउँदै बगरले विजयी सुरुवात गरेको हो ।   वडा १ को जीतमा खेलको ३४ औं मिनेटमा राजु तामाङले पहिलो गोल गरे ।    यस्तै खेलको ५३ औं  मिनेटमा बगरका अन्तिम गुरुङले दोस्रो गोल गर्दै जीतको सुनिश्चित गरे ।   असार  ७ गतेसम्म चल्ने प्रतियोगिताको विजेताले नगद रु १ लाख ११ हजार १ सय ११, शिल्ड, मेडल तथा प्रमाणपत्र प्राप्त गर्नेछ ।   यस्तै उपविजेताले नगद रु ५५ हजार ५ सय ५५, शिल्ड, मेडल तथा प्रमाणपत्र हात पार्नेछ । सो प्रतियोगितामा विधागतर्फ सर्वोकृष्ट खेलाडीलाई नगद रु ५ हजारले पुरस्कृत गरिनेछ । यस्तै सर्वाधिक  गोलकर्ता, उत्कृष्ट गोलरक्षक, डिफेन्डर, मिडफिल्डर र फरवार्डलाई जनही नगद रु २ हजारकोसाथमा ट्रफी प्रदान गरिने छ ।   यसअघि प्रतियोगिताको उद्घाटन पोखरा महानगरपालिकाका प्रवक्ता तथा वडा २५ का वडाध्यक्ष मोतिलाल तिम्सिनाले उद्धघाटन गरे ।    सो अवसरमा बोल्दै तिम्सिनाले हेमजा क्षेत्रका विभिन्न खेलकुदका राष्ट्रिय खेलाडीहरुको स्मरण गर्दै हेमजा खेलकुदको उर्भर भूमि भएको बताए ।   गौरीशंकार खेलमैदानको पूर्वाधार विकासका लागि महानगरले गत बर्ष ४० लाख बजेट विनियोजन गरेको बताउदै जारी हेमजा भेट्रान्स कपका लागि  ४ लाख रकम सहयोग गरेको उल्लेख गरे ।   कार्यक्रमको अवसरमा हेमजा हनुमानचोक निवासी सिता सापकोटाले २०७९ माघ १ गते यति एयरलायन्सको जहाज दुर्धटनामा परि निधन भएका  छोरा स्व: राजन सापकोटा र बुहारी स्व:अनिषा सापकोटाको स्मरणमा हेमजा यूनाइटेडद्धारा संचालन गरिएको फुटबल ऐकेडीमिका लागि २ लाख २२ हजार २ सय २२ रुपैयाँ सहयोग प्रदान गरेकी थिइन् ।   

पोखरा:  गण्डकी प्रदेशस्तरीय टि–२० पुरुष क्रिकेट प्रतियोगितामा कास्की र तनहुँले लगातार जित निकालेका छन् ।   पोखरा रंगशालामा जारी प्रतियोगिताको दोस्रो दिन पनि कास्की र तनहुँले आ–आफ्नो खेल जितेका हुन् ।   शनिबारको पहिलो खेलमा घरेलु टोली कास्कीले म्याग्दी विरुद्ध सहज ७ विकेटले जित निकाल्दा तनहुँले बाग्लुङ विरुद्ध कठिन जित निकालेको छ । जितका लागि १२४ रनको लक्ष्य पछ्याउने क्रममा अन्तिम दुई बल बाँकी हुँदा तनहुँले जित निकालेको हो ।     पहिलो खेलमा म्याग्दीले टस जितेर ब्याटिङको पारीको सुरुवात गर्दै १८.५ ओभरमा १० विकेट गुमाउँदै ७५ रनमा समेटियो ।   कास्कीका कृष्ण पौडेलको धारिलो बलिङमा म्याग्दी चार जनालाई पेभिलियन फर्काए । म्यान अफ दि म्याच समेत रहेका कृष्णले ३.३ ओभरको बलिङ स्पेलमा १७ रन दिएर ४ विकेट हात पारे । म्याग्दीका लागि केशव साउदले २७ बलमा १६ रन बाहेक अन्य खेलाडीले दोहोरो अंक छुन सकेनन् ।   म्याग्दीको पारीमा कास्कीले २२ एक्स्ट्रा रन दिएको थियो ।   कास्कीका लागि सिब्रिन श्रेष्ठ र विश्वास पराजुलीले समान २–२ विकेट लिए भने विपिन खत्री र आदित्य थापाले १–१ विकेट लिए ।   यता कास्कीका लागि जवाफी व्याटिङ गर्दै अर्जुन कुमालले ३१ बलमा ५ चौका प्रहार गर्दै ३६ रन बनाएर नट आउट रहे भने अर्का ओपनर सोहेल कुंवर भने सून्य रनमा आउट भए । तीन बलको सामना गरेका सोहेल आयुष खत्रीको बलमा विशाल आचार्यको हातबाट क्याच आउट भए ।   कास्की सिव्रीन श्रेष्ठ १० बलको सामना गर्दै एक छक्का र दुई चौकाको सहयोगमा १६ रनको योगदान दिए भने ११ बल खेलेका रोहित चन्द एक छक्का र एक चौका प्रहार गर्दै व्यक्तिगत २१ रन बनाए । तर आयुष सैंजु भने १ रनमा पेभिलिएन फर्किएका थिए । बागलुङका लागि केशव साउदले १५ रन खर्चिएर २ विकेट लिए ।   यता दोस्रो खेलमा टस जितेर तनहुँले बाग्लुङलाई पारीको सुरुवात गर्न निम्तो दियो । बागलुङले पुरै २० ओभर खेल्दै ९ विकेटको क्षतीमा १२३ रन बनायो । बागलुङको पारी सुरुवातमा नै दवावमा पर्यो । ओपनरद्वय अर्जुन रायमाझी १ र किसन सुनार सून्यमा आउट भएका थिए ।   तेस्रो क्रममा बागलुङका लागि पारी सम्हाल्दै कप्तान आराश तामाङले ३० बलको सामना गर्दै ५ चौका र एक छक्काको सहयोगमा व्यक्तिगत ३५ रनको योगदान दिए भने चन्द्रदिप यादवले २५ रन बनाए । उनले समान २ चौका र २ छक्का प्रहार गरे । टिमका लागि अनिश जिशीले १६ रनको योगदान दिंदा विवेक नेपालीले १७ रन जोडे ।   तनहुँका लागि क्रिश ऐरले ३ ओभरमा १२ रन खर्चिएर २ विकेट लिए भने चन्द्रकान्त पौडेलले २ विकेट लिए ।   यता तनहुँ जितका लागि १२४ रन पछ्याउँदा अन्तिम ओभरको चौथो बलमा जितको यात्रा तय गर्यो । खेल १९.४ ओभर सम्म आइपुग्दा तनहुँले ८ विकेट गुमाइसकेको थियो । उपहारको रुपमा तनहुँले २४ रन एक्स्ट्रा पायो भने व्याट्सम्यानहरुले खेलमा १ सय रन जोडेका थिए ।   खेलमा म्यान अफ दि म्याच समेत रहेका चन्द्रकान्त पौडेलले टिमका लागि सर्वाधिक २२ रनको योगदान दिए भने सदित्य वञ्जाराले १९ र समिर कंडेलले १५ रन मात्रै जोडे । तनहुँका सदित्य र इशान श्रेष्ठ रिटायर्डहर्ट हुँदै पेभिलिएन फर्किएका थिए । इशानले ३ रन मात्रै जोडे । बागलुङका लागि अश्विन थापाले २ विकेट लिए ।   यो जित संगै कास्की र तनहुँले समान ४–४ अंक बटुलेका छन् भने म्याग्दी र बागलुङ जितको प्रतिक्षामा छन् । आइतबार कास्की र तनहुँका बीचमा पहिलो खेल र दोस्रो खेल बागलुङ र म्याग्दीका बीचमा हुनेछ ।   दशौं राष्ट्रिय खेलकुद प्रतियोगिताका लागि प्रारम्भिक टिम छनौट समेत रहेको प्रतियोगितामा विजेता टिमलाई नगद पुरस्कार १ लाख र उपविजेता टिमलाई नगद ५० हजारका साथमा ट्रफी, मेडल तथा प्रमाणपत्र प्रदान गरिने गण्डकी प्रदेश क्रिकेट संघका अध्यक्ष सञ्जयकान्त सिग्देलले जानकारी दिए ।   यसै गरी महिलातर्फ हुने प्रतियोगिता असार ७ देखि १० गते सम्म सञ्चालन हुनेछ ।

पोखरा:   पोखरामा कबड्डीको रेफ्रि प्रशिक्षक प्रशिक्षण शनिबारबाट सुरु भएको छ ।   प्रदेश खेलकुद परिषद गण्डकीको आयोजना तथा गण्डकी प्रदेश कबड्डी संघको व्यवस्थापनमा उक्त प्रशिक्षण कार्यक्रम सुरु भएको हो ।   उक्त प्रशिक्षण कार्यक्रमको सुरुवात गर्दै प्रदेश खेलकुद परिषद गण्डकीका उपाध्यक्ष धोज कुमार गुरुङले कुनै पनि खेलकुदको जग विद्यालय भएकोले परिषदले आफ्ना प्रशिक्षणका कार्यक्रमहरुलाई सोही अनुरुप तय गरेको बताए ।   परिषदले खेलकुद विकासका लागि विभिन्न कार्यक्रमहरु अघि सारेको जनाउँदै सोही अनुसार कबड्डीको रेफ्रि प्रशिक्षक प्रशिक्षण कार्यक्रम समेत रहेकोले गण्डकीमा यूवा खेलाडीहरु उत्पादन गर्न सहयोग पुग्ने उल्लेख गरे ।   कार्यक्रममा परिषदकी सदस्य एवं कार्यक्रम संयोजक निर्मला बरालले अनुशासित नागरिक उत्पादन गर्न खेलकुदको भूमिका रहेको जनाउँदै खेल शिक्षक लक्षित प्रशिक्षणले विद्यालयहरुमा प्रतियोगिताहरु आयोजना गर्न सहज हुने बताइन् ।   गण्डकी प्रदेश कबड्डी संघका अध्यक्ष पवन कुमार प्रजापतीको अध्यक्षतामा भएको कार्यक्रममा प्रदेश कबड्डी संघका सचिव हरि जिशीले समेत आफ्ना भनाई राखेका थिए ।   प्रशिक्षण कार्यक्रममा गण्डकी प्रदेशका विभिन्न ११ जिल्लाका ३० जना खेल शिक्षकहरुको सहभागिता रहेको सचिव जिशीले जानकारी दिएका छन् ।   तीन दिन सम्म सञ्चालन हुने प्रशिक्षणमा अखिल नेपाल कबड्डी संघका सचिव एवं प्रशिक्षक तर्कराज भट्ट र गण्डकी प्रदेश कबड्डी संघका सचिव एवं प्रशिक्षक हरि जिशीले सहजिकरण गर्ने भएका छन् ।    

पोखरा:   ‘खेल्छ गण्डकी’ कार्यक्रम अन्तर्गत टेनिस प्रशिक्षण सम्पन्न भएको छ ।   प्रदेश खेलकुद परिषद गण्डकीको आयोजना, गण्डकी प्रदेश टेनिस संघको ब्यवस्थापन तथा कास्की टेनिसको प्राविधिक सहयोगमा उक्त प्रशिक्षण कार्यक्रम सम्पन्न भएको हो ।   ‘सबैका लागि, संधैका लागि टेनिस’ भन्ने मुख्य ध्येयका साथ सम्पन्न उक्त प्रशिक्षणमा सहभागि बालबालिका लाई सहभागिताको प्रमाणपत्र वितरण गर्दै प्रदेश खेलकुदका कार्यकारी सदस्य ऋषीराम गौतमले सबै उमेर समुहमा खेलकुद अघि बढाउन ‘खेल्छ गण्डकी’ कार्यक्रम प्रभावकारी रहेको बताए ।   लामो अध्ययन र निष्कर्षका साथ अघि बढाइएको यो कार्यक्रमले गण्डकी प्रदेशको खेलकुदको जगलाई बलियो बनाउन र यूवा खेलाडी उत्पादनमा समेत सहयोग पुग्ने जनाउँदै टेनिसको प्रशिक्षण कार्यक्रमले गण्डकीको टेनिसको जग बलियो बनाउन सहयोग पुग्ने विश्वास व्यक्त गरे ।   गण्डकी प्रदेश टेनिस संघका अध्यक्ष बिनोद कायस्थले परिषदले टेनिस विकासका लागि गरेको सहयोगका लागि अभार व्यक्त गर्दै प्रशिक्षणमा सहभागि मध्येबाट नै भावी राष्ट्रिय खेलाडी उत्पादन हुने बताए । उनले भने–“परिषदले महत्वपूर्ण कार्यक्रमका लागि सहयोग गरेको छ । हामी खेलाडी उत्पादनमा गरेको प्रयासका लागि गरेको सहयोग प्रति धन्यबाद दिन चाहन्छु ।”   समापन कार्यक्रममा प्रदेश खेलकुदका सदस्य केशव पाठक, कास्की टेनिसका सचिव नविन श्रेष्ठ, प्रदेश टेनिस संघका उपाध्यक्ष द्वय लोक बहादुर गुरुङ, विष्णु केसीलगायतको सहभागिता रहेको थियो ।   ६५ दिन सम्म सञ्चालन भएको उक्त प्रशिक्षण कार्यक्रममा ३० जनाको सहभागिता रहेको थियो । 

काठमाडौं:   दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ ।   दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो ।   दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो ।   अन्तिम दुई ओभरमा नेपाललाई जितक लागि १६ रन चाहिएको थियो । १९औं ओभरको दोस्रो बलमा एनरिक नोर्टजेले कुशल मल्ललाई १ रनमा बोल्ड गराए । पाँचौं बलमा सोमपाल कामीले छक्का प्रहार गरे । अन्तिम बलमा उनले दुई रन प्रहार गरेपछि अन्तिम ओभरमा ८ रनको आवश्यकता रह्यो ।   अन्तिम ओभरको पहिलो दोस्रो बलमा बार्टमनले गुलशनलाई डट बल गरे । तेस्रो बलमा गुलशनले चौका प्रहार गरे । चौथो बलमा उनले दुई रन लिए । पाँचौं बल भने डट बल रह्यो ।   अन्तिम बलमा जितका लागि २ रन चाहिएकोमा गुलशनले कुनै शट खेल्न सकेनन् । बाईमा रन लिने क्रममा उनी रन आउट भए र नेपाल पराजित हुन पुग्यो ।   नेपालका दुवै ओपनरले राम्रो सुरुवात दिलाएका थिए । तर तब्रेज शम्शीको आठौ ओभरमा नेपालले दुई महत्वपूर्ण विकेट गुमाउन पुगेको थियो । सो ओभरको दोस्रो बलमा रिभर्स स्विप खेल्ने क्रमममा कुशल भुर्तेल बोल्ड भए । उनले २१ बलमा १३ रन बनाए । चौथो बलमा शम्शीले कप्तान रोहित पौडेललाई शून्यमा बोल्ड नै गराए ।   चौथो विकेटका लागि भने ओपनर आशिफ शेख र अनिल साह मिलेर ५० रनको साझेदारी गरेका थिए । सो साझेदारी १४औं ओभरमा दक्षिण अफ्रिकाका कप्तान एइडन मार्क्रमले तोडे । तेस्रो विकेटका रुपमा अनिल २४ बलम ३ चौका र १ छक्का सहित २७ रन बनाएर क्याच आउट भएका थिए ।   दक्षिण अफ्रिकाका लागि शम्शीले ४ ओभरमा १९ रन मात्र दिएर ४ विकेट लिए । मार्क्रमले २ ओभरमा ८ रन दिएर १ विकेट लिए ।   त्यसअघि सेन्ट भिन्सेन्टको किंग्सटाउनमा उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको थियो । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा ११५ रन बनाएकाे थियाे ।  

पोखरा:   पोखरा महानगरपालिकाको प्रतिनिधित्व गर्दैै ड्रागन बोट रेस खेल्न चीन पुगेको नेपाली टोलीले डबल स्वर्ण जित्दै च्याम्पियन बनेको छ ।   चीनको तिब्बतमा गत २८ गते (जुन १० तारिख) भएको दुइवटा इभेन्टमै नेपालले स्वर्ण जित्दै च्याम्पियन बनेको हो ।   पोखराको प्रतिनिधित्व गरेको १५ सदस्यीय टोलीले शिल्ड, स्वर्ण पदक, प्रमाणपत्रसहित कुल नेपाली रु ६ लाख ३० हजार प्राप्त गरेको हेड कोच निम बहादुर मगरले जानकारी दिए ।     उनका अनुसार सय मिटर र २ सय मिटरमा भएको प्रतिस्पर्धामा चीन, सिंगापुर लगायत देशका ८ टिमलाई पछि पार्दै नेपाल च्याम्पियन बन्यो ।    सय मिटर र २ सय मिटरमा च्याम्पियन बनेको नेपालले चिनियाँ नगद ३५ हजार आरएनबी जितेको थियो ।   १५ सदस्यीय खेलाडी टोलीसहित पोखरा महानगरपालिकाबाट कुल २९ जना ड्रागन बोट रेसका लागि चीन गएका थिए ।   प्रशिक्षणका लागि समयमै ड्रागन बोट पाएका थिएनन् खेलाडी   जल खेल (र्याफ्टिङ, कायाकिङ) को नेपालको राष्ट्रिय कोचसमेत रहेका निमबहादुर मगरले समयमै प्रशिक्षणका लागि ड्रागन बोट पोखरा महानगरले उपलब्ध नगराएपनि डबल स्वर्ण जित्दा खुशी लागेको सुनाए ।   उनले नेपालमै पहिलोपटक पोखरामा भएको ड्रागन बोट रेसमा आफुहरु च्याम्पियन बन्न नसकेपनि चीनमै गएर स्वर्ण जित्नुले खेलाडीको हौसला बढेको बताए ।   ‘तालिमका लागि हामीलाई समयमै ड्रागन बोट उपलब्ध भएन । तालपारी पुगेर २४ फुटे काठको डुंगा खोजेर ट्रेनिङ गर्याै । तैपनि चीनमा पुगेर डबल स्वर्ण जितेका छौं, उनले भने, ‘यो जितले खेलाडीको मनोबल बढेको छ र थप हौसला त मिलेको छ । अझ महानगरकै लागि खेल्ने भएपछि त्यही अनुसारको प्रबन्ध मिलाउनुपर्ने थियो । तालिमका लागि त्यो भएन आगामी दिनमा त्यसतर्फ ध्यान दिनुपर्छ ।’   प्रशिक्षक मगरले काठको डुंगा र ड्रागन बोटमा धेरै नै फरक हुने बताए ।   ‘खेल्नुपर्ने कार्वनको प्याडलसहितको ड्रागन बोट छ । हाम्रो तालिम काठको बहना र काठकै डुंगा, अनि रिदम, पेस्ट कहाँ मिल्छ त ? तैपनि हाम्रो केटाहरुले तानेरै जिताए । त्यसमा म खुशी छु ।’ उनले भने ।   फेवातालमा करिब ३ साता प्रशिक्षण गरेको उक्त टोलीलाई पोखरा महानगरले अन्तिम समयमा मात्रै ‘ड्रागन बोट’ दिलाएको थियो ।    

पोखरा:   पोखरा महानगरपालिका १५ मा दिव्यज्योति क्लबको आयोजनामा आज (बिहीबार) देखि पहिलो संस्करणको फुटसल प्रतियोगिता सुरु भएको छ ।   पोखरा महानगरपालिका १५ भित्रका क्ललाई लक्षित गर्दै आयोजित प्रतियोगिता न्यू एयरपोर्ट फुटसल खेल मैदानमा आजदेखि सुरु भएको सह–संयोजक शैलेश गुरुङले जानकारी दिए ।    उ​नका अनुसार सो प्रतियोगितामा पहिलो चरणका खेल सकिएका छन् ।   कुल २१ टिमको सहभागिता रहेको प्रतियोगिताको दोस्रो चरणका खेल अन्तरगत रेन्बो एकेडेमीलाई फुटसल भाइब्सले ३–० गोल अन्तरले पराजित गर्याे ।   यस्तै अर्काे खेलमा एमएम एफसीले बेलबोट एफसीलाई ६–१ गोल अन्तरले सहजै पराजित गर्याे । ब्रदरहुड एफसीलाई टुटुङ्गा एफसीले पेनाल्टी सुटआउटमा हराउँदै टुटुङ्गा  विजयी बन्यो ।   अब बाँकी खेलसहित फाइनल खेल शुक्रबार सम्पन्न हुने सहसंयोजक गुरुङ जानकारी दिए ।    उक्त प्रतियोगिताको उद्घाटन पोखरा १५ का वडाध्यक्ष तोरण बाँनियाले उद्घाटन गरे सो अवसरमा बोल्दै वडाध्यक्ष बाँनियाले खेलकुदले सबैलाई एकताको सुत्रमा बाध्ने उल्लेख गरे ।   उनले स्थानीय स्तरमा सञ्चालन हुने प्रतियोगिताले नयाँ खेलाडीको उत्पादनमा सघाउ पुर्याउने धारणा राखेका थिए । पोखरा १५ भित्रका कुल २१ टिमको सहभागिता रहेको सो प्रतियोगिताको विजताले नगद रु ३० हजार, शिल्ड, मेडल तथा प्रमाणपत्र प्राप्त गर्नेछ भने उपविजेताले नगद रु २० हजार, शिल्ड,मेडल तथा प्रमाणपत्र प्राप्त गर्ने आयोजकले जनाएको छ ।  

पोखरा:   गण्डकी प्रदेशको पोखरामा भएको यू–१५ विद्यालय खेलकुद प्रतियोगितामा बागमती प्रदेश च्याम्पियन बनेको छ ।   ११ स्वर्ण जित्दै बागमती च्याम्पियन बनेको हो । बागमतीले ६ रजत र ७ काश्य पदक जित्यो । ६ स्वर्ण जित्दै लुम्बिनी दोस्रो भयो ।   लुम्बिनीले ३ रजत र १० काश्य जित्यो । गण्डकी ५ स्वर्ण, ८ रजत र ७ काश्य जित्दै तेस्रो र कर्णाली ५ स्वर्ण, दुई रजत र दुई काश्य जिते ।   कोशी एक स्वर्ण, ७ रजत, ८ काश्य, सुदूरपश्चिम एक स्वर्ण, दुई रजत र ५ काश्य र मधेश एक स्वर्ण, दुई रजत र एक काश्य पदक हासिल ग¥यो ।    बास्केटबलमा बागमतीलाई दुई स्वर्ण    बास्केटबलतर्फ दुवै स्वर्ण पदक बागमतीले जितेको छ ।   छात्रतर्फ गण्डकीलाई ३७–३१ र छात्रातर्फ पनि गण्डकीलाई १३–८ ले पराजित गर्दै स्वर्ण पदक जितेको हो ।      फाइलनमा पराजित गण्डकीले दुई काश्य पदक जितेको छ । छात्रतर्फ कोशी प्रदेश र छात्रातर्फ कर्णालीले रजत पदक जिते ।    यो पनि पढ्नुहोस   यू–१५ विद्यालय खेलकुद प्रतियोगितामा ६ सय ७० बढीकाे सहभागिता हुने यू–१५ विद्यालय खेलकुद प्रतियोगिता सुरु यू–१५ विद्यालय खेलकुद: बुद्धिचाल प्रतियोगिता शुरु यू–१५ विद्यालय खेलकुद प्रतियोगिता: लुम्बिनीलाई हराउँदै गण्डकीको विजयी सुरुवात यू–१५ प्रतियोगिता: टेबल टेनिसमा बागमतीलाई ३ स्वर्ण, ३ रजत यू–१५ विद्यालय खेलकुद प्रतियोगिताः रग्बीका १० खेल सकिए यू–१५ विद्यालय खेलकुद प्रतियोगिता: बुद्धिचाल जारी यू–१५ प्रतियोगितामा टेबल टेनिस: सिंगल्सका खेल सुरु यू–१५  प्रतियोगितामा गण्डकी सेमिफाइनलमा प्रवेश यू–१५ प्रतियोगिता: टेबल टेनिसमा बागमती च्याम्पियन   टेबल टेनिसमा बागमतीको वर्चश्व    टेबल टेनिसमा बागमतीले १० पदक जितेको छ । बागमतीले ५ स्वर्णसहित ३ रजत र २ काश्य पदक जित्न सफल भयो ।   छात्र, छात्रा सिंगल्स, डबल्स र मिक्स डबल्सका ५ इभेन्टमा बागमतीले स्वर्ण पदक जितेको हो । दोस्रो बनेको कोशीले २ रजत र २ कास्य प्राप्त ग¥यो । ४ कास्य प्राप्त गरेको लुम्बिनी तेस्रो भयो । आयोजक गण्डकीले २ कास्य जितेको हो ।    रग्बीमा कर्णालीलाई दोहोरो स्वर्ण      रग्बीमा कर्णाली प्रदेशले दोहोरो स्वर्ण जितेको छ ।   छात्रतर्फ फाइनलमा कोशी प्रदेश र छात्रातर्फ बागमती प्रदेशलाई पराजित गर्दै कर्णालीले स्वर्ण पदक जितेको हो । छात्रतर्फ कोशी र छात्रातर्फ बामतीले एकएक रजत पदकमा चित्त बुझाए । मधेश र सुदूरपश्चिमले एकएक काश्य पदक जिते ।    एथलेटिक्समा गण्डकी पहिलो    एथलेटिक्सतर्फ गण्डकी प्रदेश टिमले सर्वाधिक पदक जित्यो ।   गण्डकीले ४ स्वर्ण, ३ रजत र २ कास्य पदक जित्न सफल भयो । छात्र तथा छात्रा २ सय मिटर दौड र ४ सय मिटर रिले, १ सय मिटर छात्रा दौडमा गण्डकीले काश्य पदक जितेको हो ।   लुम्बिनीले ३ स्वर्ण, २ रजत र ६ कास्य, कर्णालीले ३ स्वर्णसहित २ रजत र १ कास्य पदक जित्न सफल भए ।  मधेश, कोशी र सुदुरपश्चिमले समान १ स्वर्ण, २ रजत र १ कास्य पदक हासिल गरे । बागमतीले १ स्वर्ण १ रजत र २ कास्य पदक जित्दै अन्तिममा रह्यो ।    ब्याडमिन्टनमा बागमती पहिलो    ब्याडमिन्टनमा पनि बागमती पहिलो बनेको छ । दुई स्वर्ण र तीन काश्यसहित पहिलो बनेको हो ।   दुई स्वर्णसहित लुम्बिनी दोस्रो, एक स्वर्ण चार रजत र दुई कास्यसहित गण्डकी तेस्रो बन्यो । कोशी प्रदेशले दुई रजत र चार पदक जिते ।    बुद्धिचालमा लुम्बिनी र बागमतीलाई स्वर्ण   बुद्धिचालमा लुम्बिनी र बागमती प्रदेशले एकएक स्वर्ण पदक जितेका छन् ।   छात्रतर्फ लुम्बिनी र छात्रातर्फ बागमतीले समान समान एक स्वर्ण एक रजत जिते । दुवै काश्य पदक सुदूरपश्चिमले जित्न सफल भयो ।