जलेश्वर नगरपालिकाका प्रमुखसहित १२ जना विरुद्ध भ्रष्ट्राचारको मुद्दा दायर
काठमाडाैं | बैशाख २७, २०८१
काठमाडौं: अख्तियार दुरुपयोग अनुसान्धान आयोगले महोत्तरीको जलेश्वर नगरपालिका नगर प्रमुख, उपप्रमुख र प्रमुख प्रशासकिय अधिकृत बिरुद्ध भ्रष्ट्राचारको मुद्दा दायर गरेको छ ।
नगर प्रमुख सुरेश साह सोनार, उप(प्रमुख रौशन खातुन, तत्कालीन प्रमुख प्रशासकीय अधिकृत मित्रलाल ढकालसमेत १२ जना विरुद्ध भ्रष्टाचार मुद्दा दायर गरेको हो ।
पालिकाको वडा नं. १ स्थित हाटबजार क्षेत्रमा भइरहेको ढलानमा गुणस्तरहीन कार्य गरी भ्रष्टाचार गरेको भन्ने उजुरीमा अनुसन्धान गर्दा उनीहरुलाइ दोषी पाइएको हो ।
पी.पी.सी. ढलान गर्दा गरेको काम भन्दा बढी गरेको भनी नापी किताब, कार्य सम्पन्न प्रतिवेदन, उपभोक्ताको भुक्तानी बिल र अनुगमन प्रतिवेदन चेकजाँच नगरी भुक्तानीको लागि टिप्पणी पेश तथा सदर गरी सोही आधारमा ५ लाख ८४ हजार ६ सय ३७ रुपैयाँ बढि भुक्तानी दिएको अख्तियारको दावी छ ।
झुट्ठा विल भर्पाइ बनाइ सम्पन्न प्रतिवेदन तयार पारेर भुक्तानी दिएकाले भ्रष्टाचार निवारण ऐन, २०५९ को दफा ८(४) बमोजिमको कसुर भएको हुँदा निजहरुलाई झुठ्ठा विल बरावर बिगो कायम गरी सजाय माग दावी गरिएको आयोगका प्रवक्ता नरहरी घिमिरेले जानकारी दिनु भएको छ ।
काठमाडौं: प्रधानमन्त्री तथा मन्त्रिपरिषद्को कार्यालयले नागरिकका गुनासो सुनुवाइलाई छिटो, छरितो, पारदर्शी र प्रभावकारी बनाउन ‘हेलो सरकार’ लाई स्तरोन्नति गरी नागरिक गुनासो तथा एकीकृत सेव...
चितवन: जिल्लाका विभिन्न स्थानबाट ५७ जनालाई जुवाको खालबाट नियन्त्रणमा लिइएको छ । चालु आर्थिक वर्ष सुरु भएसँगै उनीहरूलाई नियन्त्रणमा लिइएको हो । उनीहरूबाट रु आठ लाख ३८ हजार ६४५ नगदसमेत बरामद ...
काठमाडौं: नेपाल राष्ट्र बैंकले बैंक तथा वित्तीय संस्थाबाट रु ८५ अर्ब बराबरको तीनमहिने निक्षेप सङ्कलन गर्ने भएको छ । राष्ट्र बैंकको मौद्रिक व्यवस्थापन विभागले आज जारी गरेको सूचनाअनुसार उक्त निक्षेप सङ्क...
