पोखरामा फार्मेसीबाट किनबेच हुन्छ लागूऔषध !
पाेखरा | भदौ ७, २०८१
पोखरा: पोखरामा लागूऔषध किनबेच गरेको आरोपमा फार्मेसी सञ्चालकसहित प्रहरीले २ जनालाई पक्राउ गरेको छ ।
प्रहरीले बुधबार बिभुती फार्मेसीका सञ्चालक ४८ वर्षीय केदार अधिकारी र २७ वर्षीय बिजय पोख्रेललाई लागूऔषध किनबेचको आरोपमा पक्राउ गरेको जिल्ला प्रहरी कार्यालय कास्कीका प्रहरी निरिक्षक अविनाश दिप जिसीले जानकारी दिए ।
पोखरामा लागूऔषध किनबेच गरेको आरोपमा पक्राउ परेका आरोपित
पोखरा महानगरपालिका–९ नयाँबजारमा शंकास्पद अवस्थामा हिडिरहेका २७ वर्षीय पोख्रेलको शरीर खानतलासी गर्दा उनले भिरेको झोलाबाट लागूऔषध बरामद गरेको प्रहरी निरीक्षक जिसीले बताए ।
‘पोखरा–९ नयाँबजारमा धादिङ निलकण्ड नगरपालिका घर भएका बिजय पोख्रेल शंकास्पद अवस्थामा हिडिरहेका थिए’, जिसीले भने, ‘रितपूर्वक पोख्रेलको शरीर खानतलासी गर्दा लागूऔषध (ट्यापेनडोल हाइड्रोक्लोराइड क्याप्सुल लेखेको १ सय २० चक्की फेला पारेपछि नियन्त्रणमा लिएका हौं ।’
पक्राउ परेका पोख्रेललाई सोधपुछ गर्दा लागूऔषध पोखरा–९ नयाँबजारस्थित बिभुती फार्मेसीबाट खरिद गरेको बयान दिएपछि उक्त फार्मेसीमा खानतलासी गर्दा ९० चक्की ट्यापेनडोल हाइड्रोक्लोराइड क्याप्सुल लेखेको लागूऔषध बरामद भएको उनले बताए ।
पक्राउ परेका फार्मेसी सञ्चालक अधिकारीलाई जिल्ला अदालत कास्कीबाट लागूऔषध मुद्धामा ९ र पोख्रेललाई १० दिनको म्याद थप गरी अनुसन्धान अगाडि बढाएको कास्की प्रहरीले जनाएको छ ।
काठमाडौं: नेपालको एकमात्र ‘ढोरपाटन सिकार आरक्ष’ पेसेवर विदेशी सिकारीहरूका लागि विश्वमै प्रख्यात छ । यहाँ लिखित अनुमति लिएर तोकिएको समय र क्षेत्रमा नाउर, झारल, रतुवा र बँदेलको सिका...
काठमाडौँ: नेपालभर छरिएर रहेका विभिन्न सरकारी, अर्ध सरकारी, निजी र आर्थिक कारोबार गर्ने बैंक तथा वित्तीय संस्थामा व्यक्ति वा फर्ममार्फत् चलअचल सम्पत्तिको धितो मूल्याङ्कन प्रक्रियालाई व्यवस्थित गरिनुपर्नेमा ...
राष्ट्रपति रामचन्द्र पौडेल समक्ष लोकसेवा आयोगको वार्षिक प्रतिवेदन पेस गरिएको छ । राष्ट्रपति भवन शीतल निवासमा आज आयोजित कार्यक्रममा राष्ट्रपति पौडेल समक्ष आयोगका अध्यक्ष माधवप्रसाद रेग्मीले आर्थिक वर्ष २०८...
