एलजी एकतालाई सेभेन ए साइड फुटबल प्रतियोगिताको उपाधि
पाेखरा | फागुन २८, २०७९
पोखरा: पोखरामा सम्पन्न भएको शितल ज्योति कप सेभेन ए साइड फुटबल प्रतियोगिता २०७९ को उपाधि एल.जी. एकताले जितेको छ । अम्मरसिंह चौरको खेल मैदानमा भएकोे फाइनल खेलमा एल.जी.ले रत्न सेवा समाजको समुहलाई सडेन डेथमा पराजित गर्दै उपाधि सहित नगद १ लाख ५५ हजार ५ सय ५५ रुपैयाको साथमा ट्रफी मेडल र प्रमाणपत्र प्राप्त गरेको छ ।
उपविजेता भएको समाजले भने ८५ हजार ५ सय ५५ रुपैयाँको साथमा ट्रफी मेडल र प्रमाणपत्र पुरस्कार प्राप्त गर्यो । निर्धारित समय २५/२५ मिनेट र थपिएको ५/५ मिनेटमा समेत गोल हुन नसके पछि टाईब्रेकरमा दुबै तर्फ ३/३ गोल भए पनि टाईब्रेकरको सडेन डेथमा ७-६ मा एलजीले रत्न सेवा समाजलाई पराजित गर्दै उपाधि जितेको हो । सडेन डेथमा समाजका गोलरक्षक विश्वास पौडेलले प्रहार गरेको पेनाल्टी सुट क्रसबारमा लागेर फर्कीएको थियो । एलजीका गोलरक्षक कृष्ण गुरूङले सडेन डेथमा गोल गरे ।
एलजीका प्रिन्स तुलाचन, प्रशान्त गुरुङ र राहुल थापाले टाईब्रेरमा गोल गरे भने समाजका विनय तामाङ, सीमोन तामाङ र राकेश गुरुङले समेत टाईब्रेकरमा गोल गरेका थिए । त्यसै गरी टाईब्रेकरको सडेन डेथमा एलजीका विवेक गुरुङ, जीवन गुरुङ, दीवस परियारले गोल गरे भने समाजका आइत तामाङ, जोन तामाङ र नकुल तामाङले पेनाल्टी सुटमा गोल गरे । निकै आक्रमक शैलिमा उत्र्रिएका दुबै टोलीले खेलमा गोल गर्न नसक्दा जित निकाल्न टाईब्रेकर हुदै सडेन डेथमै पुग्नु पर्यो ।
त्यसैगरी प्रतियोगितामा ई-लाइट फुटवल क्लव अनुशासित टीम घोषित भएको छ भने उसले ट्रफीको साथमा नगद ८ हजार पुरस्कार प्राप्त गर्यो ।
प्रतियोगितामा रत्न सेवा समाजका राकेश राई उत्कृष्ट खेलाडी घोषित भए । उत्कृष्ट खेलाडी राईलाई माउण्टेन वाइक पुरस्कार वितरण गरिएको थियो ।
प्रतियोगिताको उत्कृष्ट गोलरक्षकमा समाजका विश्वास पौडेल, उत्कृष्ट डिफेण्डरमा एलजीका प्रिन्स तुलाचन, उत्कृष्ट मिडफिल्डरमा समाजका नकुल तामाङ, सर्वाधिक गोलकर्ताको उपाधि ६ गोल गरेका तारा एफ।सी।का मनिस थापा मगर घोषित भए । प्रतियोगितामा उत्कृष्ट प्रशिक्षकमा समाजका खिम छन्त्याल घोषित भए । विभिन्न विधामा उत्कृष्ट भएका उनीहरुलाई जनही ५ हजारको साथमा ट्रफी पुरस्कार प्रदान गरिएको छ । प्रतियोगितामा २९ टिमको सहभागिता रहेको शितल ज्योति क्लवका सचिव पुर्ण गुरुङले बताए ।
विजयी खेलाडीहरुलाई नेपाल सेभेन ए साईड फुटवल महासंघका अध्यक्ष नवीन पुन, प्रतियोगिताका संयोजक सन्तोष गुरुङ, क्लवका अध्यक्ष नर प्रसाद गुरुङ लगायतले पुरस्कार वितरण गरेका थिए ।
क्लवले उक्त अवसरमा कलाकार बुद्वि प्रसाद गुरूङ (गौरी) लाई सांस्कृतीक क्षेत्रमा पुराउनु भएको योगदानको मुल्यांकन गर्दै सम्मान गरेको छ । त्यसै गरी खेलकुदको क्षेत्रमा सहयोग पुर्याएको भन्दै क्लवले पूर्व खेलाडी एवं प्रशिक्षक हरि खड्कालाई समेत सम्मान गरेकोे छ । प्रतियोगिता यही फागुन २० गतेदेखी सञ्चालन भएको पूर्व अध्यक्ष सुरज गुरुङले जनाए ।
कास्की: पोखरा महानगरपालिका –२६ स्थित सामुदायिक विद्यालयको जग्गा व्यक्तिको नाममा दर्ता गरिएको भन्दै अख्तियारमा उजुरी परेको छ । कास्कीको (साबिक कन्धनीडाँडा गाविस &ndas...
पर्साः वीरगञ्ज महानगरपालिका–१७ स्थित अलौमा आज बिहान आगलागी हुँदा सातवटा घर जलेका छन् । वीरगञ्ज महानगरका वडा नं १७ का महेन्द्र सहनीको फुसको घरमा बिजुली चुहिएर सल्किएको आगो नजिकका स...
दाङः बङ्गलाचुली गाउँपालिका –४ गहतेरा निवासी डोरबहादुर घर्तीले यस वर्ष पनि चैते धान रोप्नुभएको छ । चैते धानले उहाँको जीविकोपार्जनमा सहयोग भएको छ । हरेक वर्ष आम्दानी बढेपछि चैते धा...