छोरीलाई विष खुवाएर हत्या गरेको अभियोगमा आमालाई ३ वर्ष कैद
तनहुँ | साउन १८, २०८०
तनहुँ: तनहुँ जिल्ला अदालतले विष खुवाएर छोरीको हत्या गरेको अभियोगमा तनहुँ जिल्ला अदालतले अभियुक्तलाई तीन वर्ष कैद फैसला सुनाएको छ ।
छोरीलाई विष खुवाएर आफूले समेत सेवन गरेकी पोखरा –२४ कास्कीकोटकी २९ वर्षीया सुष्मा विकलाई अदालतले तीन वर्ष कैद र ३० हजार रुपैंया जरिवाना सजायको फैसला सुनाएको हो ।
तनहुँको आँबुखैरेनी स्थित एक लजमा २०७७ को माघ १९ गते विष सेवन गरेको अवस्थामा आमाछोरी फेला परेका थिए ।
होटल सञ्चालकले देखेर उनीहरुलाई उपचारका लागि अस्पताल लगेकोमा छोरी कुसुम विकको सोही दिन मृत्यु भएको थियो । उपचारपश्चात् आमा सुष्मा भने निको भएकी थिइन ।
घटना हुँदा वैदेशिक रोजगारीको क्रममा मलेसियामा रहेका आरोपितका श्रीमान् मनोज विकले घटना लगत्तै सुष्माविरुद्ध जाहेरी दिएका थिए ।
मनोज कै जाहेरीका आधारमा सुष्मालाई प्रहरीले झन्डै ६ महिनापछि २०७८ साउन ३० गते पक्राउ गरेको थियो ।
उनी विरुद्ध २०७८ भदौ १६ गते जिल्ला अदालतमा कर्तव्य ज्यानसम्बन्धी मुद्दा दर्ता भएको थियो ।
तनहुँ जिल्ला कारागारमा पुर्पक्षका लागि थुनामा रहेकी सुष्मामाथिको मुद्दामा जिल्ला न्यायाधीश हरिश्चन्द्र ढुङ्गानाको बुधबारको इजलासले कैदसहित जरिवाना सजायको फैसला सुनाएको हो ।
पोखरा: गण्डकी प्रदेश सरकारका सामाजिक विकास, युवा तथा खेलकुद मन्त्री विन्दु कुमार थापाले सडक मानवमुक्त प्रदेशको यात्रामा सरकार र समाज एकसाथ अघि बढिरहेको बताएका छन् । संस्थागत सामाजिक उत्तरदायि...
पोखरा: गण्डकी प्रदेशका प्रमुख डिल्लीराज भट्टले प्रदेश सभाबाट पारित भई आएका दुई वटा विधेयक संविधानको धारा २०१ को उपधारा (२) बमोजिम आज (सोमबार) प्रमाणीकरण गर्नुभएको छ । ...
पर्वत: प्रमुख स्वास्थ्य संस्थाका रूपमा रहेको प्रदेश अस्पताल पर्वतमा एकैपटक १२ वटा प्रयोगशाला सञ्चालनमा ल्याइएको छ । अब बिरामीले आधुनिक प्रविधिबाट स्वास्थ्य सम्बन्धी समस्याको प्रयोगशाला परीक्षण यहीँबाट गर्न सक्...
