पिएमसीको मानवीय कार्यः वार्षिकोत्सवमा रक्तदान
पाेखरा | मंसिर १२, २०७९
पोखराको शान्तिवनस्थित पोखरा बहुमुखी क्याम्पसले ३६ औं वार्षिकोत्सवको पूर्वसन्ध्यामा रक्तदान कार्यक्रम आयोजना गरेको छ ।
मानवीय कार्य हेतु ‘रक्तदानः जीवनदान’ नारासहित आयोजित कार्यक्रममा २४ जनाले रक्तदान गरेको कार्यक्रम संयोजक दीपकप्रसाद घिमिरेले जानकारी दिए । रक्तदान कार्यक्रमपूर्व रक्तसञ्चार केन्द्र, कास्की प्रमुख अर्जुन ज्ञवालीले विषयवस्तुउपर प्रकाश पारेका थिए ।
सप्ताहव्यापी कार्यक्रमकासाथ मनाइने वार्षिकोत्सवमा विविध विधा रहेका छन् । सोही अनुरुप मंगलबार सरसफाई कार्यक्रम रहेको क्याम्पस प्रमुख शिशुकला पराजुलीले जानकारी दिइन् ।
क्याम्पसको वार्षिकोत्सव बुधबार रहेको छ । पोखराकै पुरानो यस क्याम्पसले हाल शान्तिवनस्थित नयाँ भवनबाट शैक्षिक कार्यक्रम सुचारु गरेको छ ।
बिहानी सत्रमा मानविकी र व्यवस्थापन संकायमा पढाई भइरहेको क्याम्पसमा आगामी शैक्षिकसत्रदेखि अन्य संकाय थपिने प्रमुख पराजुलीले जनाएकी छिन् ।
पोखरा: पोखरा महेन्द्रपुलमा रहेको निट डेन्टल केयर प्रालिले ‘निट डेण्टल पत्रकारिता पुरस्कार’ स्थापना गरेको छ । डेण्टलको तेस्रो वार्षिकोत्सवका अवसरमा आदिवासी जनजाति पत्रकार महासंघ (फोनिज) गण्...
पोखरा: आइटिएफ जे३० वल्र्ड टेनिस टुर पोखराको ब्वाइज सिंगल्स (राउन्ड अफ ३२) का दोस्रो दिन मंगलबार सिंगल्स र डबल्सतर्फ रोमाञ्चपूर्ण खेलहरू सम्पन्न भएका छन् । भारतीय, नेपाली, चिनियाँ, कोरियाली, हङकङ र बंगलादेशी खेला...
म्याग्दी: म्याग्दीको बेनी–दरवाङ सडकअन्तर्गत बेनी नगरपालिका–४ र मङ्गला गाउँपालिका–२ को सिमानामा पर्ने फापरखेतको पहिरोबाट ट्रकसहित म्याग्दी नदीमा खसेका चालकको सुरक्षाकर्मीले उद्धार गरेका छन्...
