कास्कीमा १ सय ३३ जनाले बुझाए ‘हातहतियार’
पाेखरा | कात्तिक २७, २०७९
पोखरा: सर्वसाधारणले लाइसेन्स प्राप्त १ सय ३३ हातहतियार जिल्ला प्रहरी कार्यालय कास्कीलाई बुझाएका छन् ।
आगामी मंसिर ४ गते हुने प्रतिनिधि तथा प्रदेश सभा निर्वाचनको सुरक्षालाई मध्यनजर गर्दै जिल्ला प्रशासन कार्यालयको आदेश अनुसार सर्वसाधारणहरुले कास्की प्रहरीलाई बुझाएका हुन् ।
जिल्ला प्रहरी कार्यालय कास्कीका सूचना अधिकारी तथा प्रहरी नायब उपरिक्षक सुन्दर तिवारीले आसन्न निर्वाचनको सुरक्षालाई लक्षित गरि सर्वसाधारणहरुले घरमा राखेका भरुवा बन्दुक लगायतका हातहतियार बुझाएको बताए । ‘प्रतिनिधिसभा तथा प्रदेशसभा सदस्य निर्वाचनमा स्वच्छ, निष्पक्ष र सुरक्षित वातावरणमा सम्पन्न गर्ने लक्ष्य सरकारको छ’ उनले भने, ‘त्यसैले प्रशासनको सूचना अनुसार जिल्लामा इजाजत प्राप्त हातहतियार सर्वसाधारणले बुझाएका छन् ।’
गएको बैशाख ३० गते सम्पन्न स्थानीय निर्वाचनमा प्रशासनमा १ सय ३५ हातहतियार सर्वसाधारणले बुझाएका थिए भने अहिले इजाजत प्राप्त गरेका २ जना व्यक्ति नेपाल भन्दा बाहिर भएकाले त्यस हतियार प्रशासनमा ल्याउन सम्पर्क गरिरहेको प्रहरी उपरिक्षक तिवारले बताए ।
‘निर्वाचनलाई लक्षित गरेर प्रशासनले सूचना प्रकाशित गरेपछि स्थानीय निर्वाचनमा बुझाएका हतियार धनीलाई निरन्तर सम्पर्क ग¥यौं र अहिले १ सय ३३ वटा हयिार प्रशासनमा बुझाएका छन्’, उनले भने,‘ स्थानीय निर्वाचनमा बुझाएका हतियारधनी देश बाहिर भएकाले प्रशासनमा ल्याउन पहल गरेका छौं ।’
जिल्ला प्रशासन कार्यालय कास्कीले मंसिर ४ गते हुने प्रतिनिधिसभा सदस्य तथा प्रदेश सभा निर्वाचनलाई स्वच्त, निष्पक्ष र सुरक्षित वातावरणमा सम्पन्न गर्न असोज १४ गते इजाजत प्राप्त गरेका हातहयिार बुझाउन जिल्ला प्रशासन कार्यालय कास्कीले सूचना प्रकाशित गरेको थियो ।
प्रशासनले निर्वाचन सम्पन्न भएको एक हप्तापछि इजाजत प्राप्त हातहतियार फिर्ता लैजान सक्ने कानूनी प्रावधान रहेको छ ।
जिल्ला प्रशासन कार्यालय कास्कीका नायव सुब्बा शिव खत्रीका अनुसारका कास्कीबाट इजाजत बैधानिक रुपमा घरमा हातहतियार राख्न १ हजार १ सय ३७ जनाले इजाजत लिएका छन् ।
इजाजत प्राप्त गरेका १ हजार व्यक्तिले किन हतियार बुझाएनन् भन्ने प्रश्नमा नायव सुब्बा खत्रीले भने, ‘सम्बन्धित जिल्ला नभनी जहाँ प्रहरी प्रशासन छ, जहाँ प्रशासन नजिक छ उनीहरुले त्यहाँ नै हतियार बुझाउन सक्ने भएकाले इजाजत बराबरको हतियार बुझाएको तथ्याङ्कसँग नमिलेको हो ।’
काठमाडौं: मनाङ मर्स्याङ्दी जलविद्युत् कम्पनीद्वारा प्रवर्दित एक सय ३५ मेगावाट क्षमताको अर्धजलाशययुक्त मनाङ मर्स्याङ्दी जलविद्युत् आयोजनाको वित्तीय व्यवस्थापनसँगै निर्माण प्रारम्भ भएको छ । आयोजना नि...
कास्की: कास्कीको माछापुच्छ्रे गाउँपालिकाको आयोजनामा “स्वास्थ्यका लागि खेलकुद, राष्ट्रका लागि खेलकुद” भन्ने मुल नाराका साथ मंसिर ६ गते देखि सुरु भएको राष्ट्रपति रनिङ शिल्ड प्रतियोगिताको द...
पोखरा: पोखरामा मनमाया गीतको म्युजिक भिडियो सार्वजनिक गरिएको छ । शुक्रबार एक कार्यक्रमका बीच उक्त गीतको सार्वजनिक गरिएको हो । किरण शंकर र सुमिना लोको आवाजमा रहेको गीतलाई नेपाल आइडल ...
