एमाले कास्कीको ११ औं जिल्ला अधिवेशनको तयारी पूरा, केपी ओलीले उद्घाटन गर्ने
पाेखरा | चैत ९, २०८०
पोखरा: नेपाल कम्युनिष्ट पार्टी एमाले कास्कीको ११ औं जिल्ला अधिवेशनको तयारी पूरा भएको छ ।
नेकपा एमाले कास्कीले पोखरामा आज (शुक्रबार) पत्रकार सम्मेलन गर्दै अधिवेशनको तयारी पूरा भएको जानकारी दिएको हो ।
नेकपा एमाले कास्कीका अध्यक्ष एवम् प्रतिनिधि सभा सदस्य मनबहादुर गुरुङले कास्कीको जिल्ला अधिवेशनको तयारी पूरा भएको जानकारी दिदै उद्घाटन गर्न पार्टी अध्यक्ष केपी ओली आउने बताए ।
‘नेकपा एमालेको कास्कीको ११ औं जिल्ला अधिवेशनको तयारी पूरा भएको छ’, जिल्ला अध्यक्ष गुरुङले भने, ‘पोखरामा हुने जिल्ला अधिवेशनको उद्घाटन गर्न पार्टी अध्यक्ष केपी शर्मा ओली गर्ने कार्यक्रम तय भएको छ ।’
उनका अनुसार ११ औं जिल्ला अधिवेशनमा ७२ वडा, जनसंगठन, सल्लाहकार परिषद्, इलाका कमिटी शाखा लगायतबाट ९३५ जना प्रतिनिधि सहभागी हुनेछन् ।
अधिवेशनमा अध्यक्ष मनबहादुर गुरुङले राजनीतिक प्रतिवेदन, सचिव बैनबहादुर अधिकारीले संगठनात्मक प्रतिवेदन र कोष तथा वित्त व्यवस्थापन विभाग प्रमुख चिरञ्जीवी पोखरेलले आर्थिक प्रतिवेदन प्रस्तुत गर्नेछन् । बन्दशत्रको छलफलले प्रस्तुत प्रतिवेदन पारित गर्नेछ । अधिवेशनले नयाँ नेतृत्व चयन गर्नेछ ।
काठमाडौं: हाल देशमा पश्चिमी वायु, स्थानीय वायुका साथै भारतको विहार आसपास बनेको न्यूनचापीय प्रणालीको समेत प्रभाव रहेको जनाउँदै जल तथा मौसमविज्ञान विभागले अहिले देशभर आंशिक बदली र...
काठमाडौं: प्रत्येक वर्ष वैशाखकृष्ण पक्ष औँसीका दिनमा जन्मदाता आमालाई सम्मान गरी मनाइने आमाको मुख हेर्ने पर्व आज देशभर आमालाई मीठा मीठा खानेकुरा खान दिई श्रद्धा भक्तिसाथ मनाइँदैछ । शास्त्रमा उपा...
पोखरा: पोखरा महानगरपालिका–२७ तालचोकस्थित एक दोहोरी साँझका सञ्चालकले ग्राहक कुटेको आरोपमा प्रहरीले एकजनालाई प्रकाउ गरेको छ । दोहोरी साँझमा गएका तेजबहादुर गुरुङलाई कुटपिट गरी ...
