पृथ्वीनारायण क्याम्पसमा नमुना मतदान, ९ मत बदर
पाेखरा | कात्तिक २३, २०७९

पोखरा : मंसिर ४ गते हुने प्रतिनिधिसभा तथा प्रदेश सभा सदस्य निर्वाचनमा बदर मत न्यूनीकरण गर्ने उद्देश्यले पृथ्वीनारायण क्यापसमा नमूना मतदान गरिएको छ ।
गएको बैशाख ३० गते सम्पन्न भएको स्थानीय निर्वाचनमा मत बदर भएको भन्दै नेत्रहिन युवा संघ कास्कीले नमूना मतदान कार्यक्रम आयोजना गरेको हो ।
पोखरा महानगरपालिका १ बगरस्थित प्रतिनिधिसभा तथा प्रदेश सभा सदस्य निर्वाचन अन्तरगत पृथ्वीनारायण क्याम्पसमा आज (बुधबार) आयोजना गरिएको नमूना मतदानमा ७० मत खसेको थियो ।
पृथ्वीनारायण क्याम्पसमा नमूना मतदान केन्द्रमा खसेको ७० मत मध्ये ९ मत बदर भएको नेत्रहीन युवा संघ कास्कीका अध्यक्ष सूर्यप्रसाद भट्टराईले बताए ।
‘क्याम्पसमा नमुना मतदान गरेका छौं, उनले भने, ‘कार्यक्रम सञ्चालन हुँदा नै केही विद्यार्थीहरु आएर मतदान गर्नुभयो तर सुरुमा भएको मतदान नै बदर भएको पाइयो । त्यसैले मतदाता शिक्षा आवश्यक देखिन्छ ।’
उनले मत बदर कम गर्ने उद्देश्यसहित कार्यक्रमको आयोजना गरिएको बताए । ‘स्थानीय तह निर्वाचनमा मत बदर बढी भएकाले यसपटक बदर न्यूनीकरणका लागि नमूना मतदानको गरिएको हो, भट्टराईले भने, ‘मतदान गर्दा स्वष्तिक छाप लगाएर मतपत्र पट्याउन नजान्दा मत धेरै बदर भएको पाइएको छ । त्यसैले निर्वाचन आयोगले मतदाता शिक्षालाई तिव्रता दिन आवश्यक देखिन्छ ।’
नेत्रहीन युवा संघ कास्कीले अपाङ्गता भएका व्यक्तिहरुको लागि कार्यक्रम आयोजना गरिएको बताउदै मतदाता शिक्षा सबैलाई आवश्यक पर्ने भएकाले कास्कीको विभिन्न स्थानमा नमूना मतदान कार्यक्रमलाई निरन्तरता दिइने बताएइको छ ।
बागलुङ: बडादसैँलाई महत्त्वका साथ मनाउने नेपालीहरूको घरमा घटस्थापनादेखि नै चहलपहल सुरु हुन्छ । घटस्थापनामा जमरा राखेर दसैँ सुरु भए पनि बागलुङको एक सीमान्तकृत समुदायको घरमा भने घटस्थापनामा सुनसान हुन्...
गुल्मी: गुल्मीको मदाने गाउँपालिकामा चट्याङ लागेर चार वर्षीया बालिकाको मृत्यु भएको छ । मदाने–५ झ्यानपानीका नेरसिंह विककी चार वर्षीया छोरी रियासा विकको गएराति चट्याङ लागेर घटनास्थलमै म...
काठमाडौं: प्रधानमन्त्री सुशीला कार्कीले आज राष्ट्रका नाममा सम्बोधन गर्दैछन्। प्रधानमन्त्री तथा मन्त्रिपरिषद्को कार्यालयका अनुसार प्रधानमन्त्री कार्कीले बिहीबार साँझ ६ बजे राष्ट्रका नाममाा सम्बोधन गर्न लागेकी हुन्। ...