पोखरा:   सभागृहकाे एक ग्यारेजमा जुवातास खेलिरहेका ९ जुवाडेलाई प्रहरीले १ लाख ३९ हजार ४ सय ५० रुपैयाँसहित प्रकाउ गरेको छ । जुवातास खेलिरहेको अवस्थामा प्रकाउ पर्नेमा तीन भारतीय नागरिक समेत छन् । 

शनिबार ग्यारेजको कोठामा जुवातास खेलिरहेका ९  जुवाडेलाई ३ बुक तास, १ लाख ३९ हजार ४ सय ५० रुपैयाँसहित वडा प्रहरी कार्यालय बैदामबाट खटिएको प्रहरीको टोलीले प्रकाउ गरेको हो । 

ग्यारेजका सञ्चालक ४३ वर्षीय गोपाल बस्नेत, बारा घर भई पोखरा बस्ने ४० वर्षीय रमेश शाह, भारतको प्रदेश बिहार घर भएका ३५ वर्षीय उपेन्द्र चौधरी, ३४ वर्षीय राकेश शर्मा,  सप्तरी घर भई पोखरा बस्ने सुजित चौधरीलाई प्रहरीले जुवातास खेलिरहेको अवस्थामा प्रकाउ गरेको हो । 

प्रकाउ परेका उनीहरुलाई जिल्ला प्रशासन कार्यालय कास्कीबाट सार्वजनिक हित, स्वास्थ्य, सुरक्षा,सुविधा र नैतिकता विरुद्धको कसुर (जुवा खेल्न वा सट्टेवाजी गर्न नहुने) सम्बन्धीमा कसुरमा ५ दिनको म्याद थप गरेर अनुसन्धान अगाडि बढाएको कास्की प्रहरील जनाएको छ ।