किर्ते दस्तखत गरेका गोरखा २(१) का कांग्रेस सभापति गुरुङ जेल चलान
गोरखा | साउन २१, २०८०
पोखरा: नेपाली कांग्रेस गोरखा निर्वाचन क्षेत्र नम्बर २(१) का सभापति दीर्घमान गुरुङ (नारायण) जेल चलान भएका छन् ।
गुरुङविरुद्ध सरकारी दस्तखत किर्ते कसुरमा २०६१ जेठ १८ गते जिल्ला अदालतले एक वर्षको कैद सजाँय सुनाएको थियो ।
त्यसपछि उनी फरार थिए ।
फरार रहेका गुरुङलाई प्रहरीले गत असार २० गते पक्राउ गरेको थियो । त्यसपछि अदालतको फैसला कार्यान्वयनका लागि गुरुङलाई पक्राउ गरेसँगै डिल्लीबजार जेल चलान गरेको प्रहरी वृत्त सोह्रखुट्टेले जनाएको छ ।
उनले पहिल्यैदेखि सरकारी कागजात बनाउनका लागि किर्ते दस्तखत गर्दै आएकाे बताइएकाे छ ।
अहिले जेल चलान भएपछि नेपाली कांग्रेसले गुरुङलाई निलम्बन गरेको छ ।
जिल्ला समिति गोरखाले प्रेस विज्ञप्ति जारी गर्दै गुरुङ फौजदारी अभियोगमा थुनामा रहेकाले उनलाई पार्टीको सदस्य पदबाट निलम्बन गरेको बताएको छ ।
जिल्ला सचिव कृष्णबहादुर आलेद्वारा हस्ताक्षरित विज्ञप्तीमा भनिएको छ, ‘नेपाली कांग्रेसको विधान २०१७ (संशोधनसहित) को परिच्छेद २, दफा ४ को उपदफा १३(ङ) अनुसार गोरखा जिल्ला निर्वाचन क्षेत्र नं. २(१) का दीर्घमान गुरुङ फौजदारी अभियोगमा थुनामा रहेकाले पार्टीको सदस्य पदबाट निलम्बन गरिएको छ ।’
तनहुँ: तनहुँको शुक्लागण्डकी नगरपालिका–५ बेलचौतारा कसेरीघाटस्थित फोहरमैला प्रशोधन केन्द्रमा तीन जनाको हत्या प्रकरणमा एक जना पक्राउ परेका छन् । शनिबार कसेरीघाटमा तीन जना मृतावस्थामा फेला परेका थिए । ...
काठमाडौं: नेपाल विद्युत प्राधिकरण, पोखरा वितरण केन्द्रका तत्कालीन केन्द्र प्रमुख राजीवकुमार सिंहसहित चार जनाविरुद्ध १३ लाख ९३ हजार ६०३ रुपियाँ भ्रष्टाचार मुद्दा दायर भएको छ । अख्तियार दुरुपयोग ...
पोखरा: अमरसिंहचौरमा आज (मंगलबार)देखि युनाईटेड क्लबको आयोजनामा १४ औं संस्करणको पोखरा महोत्सव सुरु भएको छ । विभिन्न समुदायका बाजागाजा, झाँकी र र्यालीसहित अमरसिंहचौरमा आगामी माघ ११ ...
