पोखरामा विश्व शान्ति दिवसको अवसरमा खुल्ला दौड प्रतियोगिता
पाेखरा | भदौ २७, २०८१
पोखरा: पोखरामा विश्व शान्ति दिवस तथा विश्व पर्यटन दिवसको अवसरमा खुल्ला दौड प्रतियोगिता हुने भएको छ ।
पोखरा क्लिक प्राली पोखरा–२२ को आयोजनामा आगामी असोज १२ गते विश्व शान्ति दिवस तथा विश्व पर्यटन दिवसको अवसरमा प्रथम पर्वतीय दौड प्रतियोगिता आयोजना गरिएको संयोजक दिननाथ बरालले बताए ।
‘प्राकृतिकरुपमा सुन्दर पोखरामा मानवनिर्मित पोखरा–२२ सिथ्त शान्ति स्तुप होस वा पुम्दीकोट विशाल महादेवको मूर्ति, बुद्ध पार्कले पछिल्लो समय पर्यटकीय राजधानी पोखरा घोषणामा टेवा मिलेको छ, बरालले भने, ‘पोखरा–२२ सहित समग्र गण्डकी प्रदेशको राजधानी पोखरालाई खेलपर्यटन माध्यमबाट प्रवद्र्धन गर्ने उद्धेश्यले प्रथम पर्वतीय दौड प्रतियोगिता आयोजना गरिएको हो ।’
उनका अनुसार ८ किलोमिटर दौड प्रतियोगिता विश्व शान्ति स्तुपदेखि सुरु भएर पुम्दीकोट विशाल महादेवको मूर्ति परिक्रमा गरी पोखरा–२२ को वडा कार्यालय हुँदै नयाँ पर्यटकीय गन्तव्य बुद्ध पार्क (निगाले डाँडा) पुगेर टुङ्गिने छ ।
प्रतियोगितामा नेपालको जुनसुकै क्षेत्रका धावकले खुल्ला रुपमा प्रतिस्पर्धा गर्नेछन् । खुल्ला तर्फको प्रथम हुने विजेताले २५ हजार, दोस्रो हुनेले १५ हजार र तेस्रो हुनेले ७ सहित ट्रफी, मेडल र प्रमाणपत्र प्राप्त गर्नेछन् ।
यस्तै महिला धावक र यू–१६ बालबालिका, पोखरा–२२ वडाका धावक मध्य उत्कृष्ट १/१ जनालाई नगद ७ हजारसहित प्रोत्साहन पुरस्कार प्रदान गर्ने संयोजक बरालले बताए । प्रतियोगिता सम्पन्न गर्न ६ लाख ३९ हजार रुपैयाँ खर्च हुने अनुमान रहेको उनले बताए ।
संयुक्त राष्ट्रसंघको महासभाले सन् १९८१ मा हरेक वर्षको सेप्टेम्बर २१ तारिखलाई विश्व शान्ति दिवसको रुपमा मनाउने निर्णय बमोजिम नेपालमा २०६५ सालदेखि यस दिवस विभिन्न कार्यक्रम गरी मनाइँदै आएको छ ।
तनहुँ: मिलेनियम च्यालेञ्ज एकाउन्ट नेपाल विकास समिति (एमसिए नेपाल)मार्फत निर्माण हुन लागेको सवस्टेशनअन्तर्गत विद्युत् प्रसारण लाइनको टावर निर्माणका लागि आवश्यकपर्ने तनहुँका विभिन्न ठाउँको जग्गाको मुआब्ज...
काठमाडौं: हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा सरदर स्थानको दक्षिणतिर अवस्थित छ । जल तथा मौसम...
काठमाडौं: नेपालको एकमात्र ‘ढोरपाटन सिकार आरक्ष’ पेसेवर विदेशी सिकारीहरूका लागि विश्वमै प्रख्यात छ । यहाँ लिखित अनुमति लिएर तोकिएको समय र क्षेत्रमा नाउर, झारल, रतुवा र बँदेलको सिका...