पोखरामा लागुऔषधसहित २९ वर्षीय घिसिङ पक्राउ
पाेखरा | बैशाख १६, २०८३
पोखरा । पोखरामा ठूलो परिमाणको लागुऔषधसहित एक जना युवक पक्राउ परेका छन् ।
जिल्ला प्रहरी कार्यालय कास्की र लागुऔषध नियन्त्रण ब्यूरोको संयुक्त टोलीले पोखरा महानगरपालिका २७ तालचोकबाट २९ वर्षीय युवकलाई पक्राउ गरेको हो ।
पक्राउ पर्नेमा पोखरा–२७ रिठ्ठेपानी बस्ने भरत घिसिङ रहेका छन् । उनको साथबाट प्रहरीले ३ सय ४५ एम्पुल लागुऔषध बरामद गरेको छ ।
रिठ्ठेपानी क्षेत्रमा लागुऔषधको बिक्री वितरण भइरहेको भन्ने विशेष सूचनाका आधारमा जिल्ला प्रहरी कार्यालय कास्की, इलाका प्रहरी कार्यालय शिसुवा र लागुऔषध नियन्त्रण ब्यूरोको टोली परिचालन गरिएको थियो ।
प्रहरी टोलीले चेकजाँच गर्ने क्रममा ग ७ प ७२४१ नम्बरको मोटरसाइकलमा सवार घिसिङको साथबाट लुकाएर राखिएको अवस्थामा लागुऔषध फेला पारेको कास्की प्रहरीका प्रवक्ता प्रहरी नायव उपरीक्षक हरि बस्नेतले जानकारी दिए ।
उनका अनुसार घिसिङको साथबाट डाइजेपाम ११५ एम्पुल, फेनारगन ११५ एम्पुल, नुर्फिन ११५ एम्पुल बरामद गरिएको छ ।
यस्तै नगद रु १ हजार, मोबाइल १ थान र ग ७ प ७२४१ नम्बरको मोटरसाइकल पनि बरामद गरिएको डिएसपी बस्नेतले बताए ।
बस्नेतका अनुसार पक्राउ परेका घिसिङलाई कास्की जिल्ला अदालतबाट लागुऔषध सम्बन्धी मुद्दामा सात दिनको म्याद थप गरी अनुसन्धान अगाडि बढाइएको छ ।
पश्चिम नेपालबाट मनसुन बाहिरिएको छ। नेपाल मौसम विज्ञान विभागअन्तर्गतमो मौसम पूर्वानुमान महाशाखाले आज असोज १७ गते शनिबार बुलेटिन जारी गरी पश्चिमका केही प्रदेशबाट मनसुन हटेको जान...
पोखरा । जिल्ला प्रहरी कार्यालय कास्कीले सञ्चालन गरिरहेको ‘अप्रेसन ३६५’ अभियानअन्तर्गत विभिन्न स्थानबाट थप ११ वटा मोटरसाइकल नियन्त्रणमा लिएको छ। जिल्ला प्रहरी कार्यालय कास्कीका अ...
काठमाडौं । त्रिपुरेश्वरमा सोमबार बस आगलागीमा परी घाइते भएका चालको निधन भएको छ । कीर्तिपुर अस्पताल (बर्न अस्पताल)मा उपचारका क्रममा निधन भएको प्रहरी स्रोतले जनाएको छ । स्रोतका अनुसार उनको सो...
